راوێژکاری جێگری
سەرۆکوەزیران بۆ کاروباری ژنان رایگەیاند، تەنها لە سنووری سلێمانی و گەرمیان 36
دادوەری ژن بوونی هەیە.
ئاشتی عەبدوڵا،
راوێژکاری جێگری سەرۆکوەزیران بۆ کاروباری ژنان بە BMC راگەیاند:" ئێمە وەکو نوسینگەی جێگری سەرۆک وەزیران
ئەمساڵ لە رۆژی 8ی مارسدا چەند چالاکییەکمان لە بوارەکانی سەربازی، کار و
دیپلۆماسی ئەنجامداوە و ئەمڕۆش لە بواری دادوەریدا".
ئاماژەی بەوەشکرد:" تەنها لە سلێمانی و گەرمیان 36
دادوەری ژن بوونی هەیە و لە هەولێر و دهۆکیش رێژەیەکی زۆر لە دادوەرانی ژن بوونیان
هەیە، لە بەرامبەردا لە تەواوی عێراق تەنها 115 دادوەری ژن بوونی هەیە، ئەمەش
بەرەوپێشچوونێکی باشە".
باسی لەوەشکرد:" دەمانەوێت ژن لە هەموو کایەکاندا بەشداری
کارا و کاریگەرتری هەبێت، پەیامی قوباد تاڵەبانی جێگری سەرۆک وەزیران ئەوەیە، بەبێ
بەشداری ژن لە بوارەکاندا کۆمەڵگەیەکی پێشکەوتوو و کۆمەڵگەیەکی یەکسان فەراهەم
نابێت".