دەزگای ئاسایشی هەرێم رایگەیاند، بەرێوەبەرایەتی ئۆپراسێونەکانی دەزگای ئاسایشی هەرێم، بەهەماهەنگی دەزگای دژەتیرۆری عێراق توانیان تیرۆرستێک لەسنوروی گوندی (چیمەن)ی پارێزگای کەرکوک دەستگیربکەن.
ئەمڕۆ سێشەممە، دەزگای ئاسایشی هەرێمی کوردستان رایگەیاند:" لەسەر بنەمای ئاڵوگۆڕی زانیاری هەواڵگری دەزگا ئەمنییەکانی عێراق و دەزگای ئاسایش، هێزەکانی بەرێوەبەرایەتی ئۆپراسێونەکانی دەزگای ئاسایشی هەرێم، توانیان شوێنی خۆحەشاردانی داواکراوێکی داعش بدۆزنەوە و چاودێری بکەن".
باسی لەوەش کردووە ئەو داواکراوە بەناوی(ج ،م ،ج) بەڕەگەز عەرەب و پلەی سەربازی هەبووە لەناو ڕێکخراوی داعش، لەڕێگەی ووڵاتی سوریاوە هاتۆتە عێراق، بە بڕیاری دادوەر توانرا لەرۆژی 4ی ئازاری 2024 دەستگیربکرێت.
هەروەها دەشڵێت، لەئێستادا داواکراو بەماددەی چواری تیرۆر دەستگیرکراوە و کەیسەکەی ڕادەستی یاسا کراوە.