درەنگانی شەوی رابردوو لە ئۆپراسۆنێكدا و لە سێ پارێزگای عێراق چوار بازرگانی ماددە هۆشبەرەكان دەستگیركران.
بەڕێوەبەرایەتی گشتی كاروباری ماددە هۆشبەرەكانی سەر بە وەزارەتی ناوخۆی عێراق لە راگەیەندراوێكدا بڵاویكردەوە:" بە پشتبەستن بە زانیارییە وردەكانی دەستگای هەواڵگری و لە ئۆپراسۆنێكدا كە لە هەرسێ پارێزگای (بەغدا، ئەنبار و دیوانییە) ئەنجامدرا، تواندرا چوار گەورە بازرگانی ماددە هۆشبەرەكان دەستگیربكرێن".
ئاماژەی بەوەشكردووە:" لە ئۆپراسۆنەكەشەدا، سەرەڕای دەستگیركردنی ئەو سێ گەورە بازرگانە تواندراوە دەستبەسەر 10 كیلۆگرام حەبی ماددە هۆشبەر لە جۆری كریستاڵ و كێپتاگۆن بگیرێن".
باسی لەوەشكردووە:" لەمیانەی ئەنجامدانی ئۆپراسۆنەكەدا رووبەڕووبوونەوە لەنێوان هێزە ئەمنییەكان و ئەو سێ گەورە بازرگانە روویداوە و یەكێك لە بازرگانەكان برینداركراوە پاشان خۆی بە دەستەوەداوە".