لەبارەی ئەو تۆمەتبارەی كە دەستگیركرا بە تۆمەتی ئەوەی داوای پارەی لە كچێك كردبوو تا لە بەرانبەردا وێنە كەسییەكانی بڵاونەكاتەوە، پۆلیسی سلێمانی روونكردنەوە دەدات.
بەڕێوەبەرایەتی پۆلیسی پارێزگای سلێمانی لە راگەیەندراوێكدا بڵاویكردەوە:" لە لایەن مەفرەزەكانی نوسینگەی نەهێشتنی تاوانی چەمچەماڵ و بە هاوكاری بنكەی پۆلیسی بازیان، تواندرا تۆمەتبارێك دەستگیركرا كە هەڕەشەی بڵاوكردنەوەی وێنەی كەسی لە كچێك كردبوو".
ئاماژەی بەوەشكردووە:" دوای ئەوەی هاوڵاتییەك سكاڵای تۆماركرد كە كەسێك هەڕەشەی بڵاوكردنەوەی وێنەی كەسی لە كچەكەی كردووە ئەگەر بڕی هەزار دۆلاری پێنەدات، هێزەكانی پۆلیس لێكۆڵینەوە و بەدواچوونەكانیان دەستپێكرد و دوای وەرگرتنی بڕیاری دادوەر توانرا تۆمەتبار بدۆزرێتەوە و لە لایەن مەفرەزەكانی نوسینگەی نەهێشتنی تاوانی چەمچەماڵ و بە هاوكاری بنكەی پۆلیسی بازیان دەستگیربكرێت".
باسی لەوەشكردووە:" لەكاتی دەستگیركردنی تۆمەتبارەكەشدا تواندرا دەستبگیرێت بەسەر ئەو بڕە پارەیەدا كە تۆمەتبار لە كچەكەی وەری گرتبوو".
ئاشكراشیكردووە:" لە ئێستادا تۆمەتبار (م. ت. ف لەدایكبووی 2005) بەبڕیاری دادوەر راگیراوە و لێكۆڵینەوە لەگەڵیدا بەردەوامە".