بەڕێوەبەرایەتی
تەندروستی سلێمانی رایگەیاند، لە مانگی شوباتی 2024دا 943 منداڵ لە نەخۆشخانەی
منداڵبوونی فریاكەوتنی فێركاری لەدایكبوون.
بەڕێوەبەرایەتی
تەندروستی سلێمانی لە راگەیەندراوێکدا ئاماژەی بەوەکرد:" لە کۆی
ئەو 943 منداڵەی مانگی رابردوو لە سلێمانی لەدایکبوون، 508 منداڵیان كوڕ بوون، 435
منداڵەکەی دیکەشیان كچ بوون ".
ئەوەشی خستەڕوو:" لەو ژمارەیە 524 منداڵیان بەشێوەی سروشتی
لەدایكبوون و ئەوانی تر لەڕێگەی نەشتەرگەرییەوە لەدایكبوون ".
تەندروستی سلێمانی باسی لەوەشکرد:" لە مانگی رابردوودا لە نەخۆشخانەی
منداڵبوونی فریاكەوتنی فێركاری 195 منداڵ لەبەشی نەبەكام داخڵكراون، 21 حاڵەتی
لەدایكبوونی دووانە، یەک حاڵەتی لەدایكبوونی سیانە، یەک حاڵەتی لەدایكبوونی
چوارینە و 99 حاڵەتی لەبارچوونی منداڵ تۆماركراوە ".