دادگای فیدراڵی عێراق
رایگەیاند، لە ناوخۆوە و دەرەوەی وڵاتەوە هێرشی میدیایی دەکرێتەسەریان، دەشڵێت
" پێویستە لە رێگەی یاسای وەڵامی ئەو هێرشانە بدرێنەوە ".
دادگای باڵای فیدراڵی
عێراق لە راگەیەندراوێکدا ئاماژەی بەوەکرد:" ئامانجی کاری دادگاکە جێبەجێکردنی
دەستوورە بەشێوەی راست و دروست، بۆ ئەوەی یەکێتی عێراق بپارێزێت، بەڵام بەهۆی
بڕیارەکانییەوە رووبەڕووی هێرشی ناوخۆیی و دەرەکی میدیایی بووەتەوە، لەکاتێکدا دادگاکە
ئەرکێکی دەستووری خۆی جێبەجێ کردووە ".
ئەوەشی خستەڕوو:" پێمانوایە
کە ئەو هێرشانە ئامانجی سیاسییان لە پشتەوەیە و مەبەست لێی لێدانە لە ناوبانگی دادگای
فیدراڵی و بە ئامانجکردنی شەرعییەتی دادگاکە ".
دادگای فیدراڵی باسی
لەوەشکرد:" پێویستە سەرجەم رێککارە یاساییەکان بەرامبەر ئەو هێرشانە
بگیرێتەبەر، بۆ وەڵامدانەوە و شکستپێهێنانیان ".