لێپرسراوی گومرگی باشماخی مەریوان زانیاری دەربارەی ئاڵوگۆڕی بازرگانی ئێران و هەرێم بۆ ساڵی رابردوو ئاشكرا كرد.
فەرید حەق پەنا، لێپرسراوی گومرگی باشماخی مەریوان بە میداكانی ئێرانی راگەیاند:" بەپێی ساڵنامەی وڵاتەكەمان، ساڵی رابردوو یەك ملیۆن و 163 هەزار تۆن كاڵای لەسنوری باشماخەوە هەناردەی هەرێمی كوردستان كردووە، بەوەش %30 هەناردە زیایكردووە.
ئاماژەی بەوەشكردووە:" ساڵی رابردوو بە بەهای زیاتر لە 703 ملیۆن دۆلار كاڵا هەناردەكراوە، هەروەها كاری گومرگیش بۆ 115 هەزار بارهەڵگر بە كێشی دوو ملیۆن و 580 هەزار تۆن و بەبڕی سێ ملیار و 770 ملیۆن دۆلار لە سنووری باشماخەوە ئەنجامدراوە.