قوباد تاڵەبانی رایگەیاند، هەموو هەوڵێکیان بۆ ئەوەیە کێشەی بودجەی
هەرێم و مووچەی فەرمانبەران چارەسەر بکەن.
قوباد تاڵەبانی، جێگری سەرۆکوەزیران پێشوازیکرد لە ستیڤن هیچن،
باڵیۆزی بەریتانیا لە عێراق و ئاماژەی بەوەکرد:" هەموو هەوڵێکیان بۆ ئەوەیە
کێشەکانی نێوان هەرێم و بەغدا و بەتایبەت بودجەی هەرێم و مووچەی فەرمانبەران بە
شێوەیەکی بنەڕەتی چارەسەر بکەن ".
لەبارەی هەڵبژاردنەکانیش
قوباد تاڵەبانی وتی:" پێویستە هەڵبژاردنەکانی
پەرلەمانی کوردستان لەو وادەیە بەڕێوەبچێت کە لەلایەن سەرۆکایەتی هەرێمەوە دیاریکراوە
".
لە کۆبوونەوەکەدا کە لە هەولێر بەڕێوەچوو و تیایدا جەیمس گۆڵدمان،
کونسوڵی گشتیی بەریتانیا لە هەرێم ئامادەی بوو، قوباد تاڵەبانی سوپاسی بەریتانیای
کرد بۆ هاوکارییەکانیان بۆ هەرێمی کوردستان، بە تایبەتیش لە هەوڵەکانیان بۆ
دروستکردنی لێکتێگەیشتنی زیاتر لەنێوان هەرێم و بەغدا.