جێگری سەرۆكی پێشوی پارتی سۆسیال دیموكراتی كوردستان نوێترین زانیاری لەبارەی كێشەكەی ئەمڕۆ و پێكدادانی نێوان هێزێكی خۆی و محەمەد حاجی مەحمود.
عەبدوڵا حاجی مەحمود، جێگری سەرۆكی پێشوی پارتی سۆسیال دیموكراتی كوردستان لە لێدوانێكدا رایگەیاند:" ئەم ئێوارە لەكاتی بەربانگكردنەوەدا هێرشیان كردووەتە سەر ماڵەكەم و كوڕەكەم بریندارە".
وتیشی:" زیاتر لە 100 بۆ 200 پێشمەرگە دەوری ماڵی ئێمەی داوە و لە ئێستا هێزەكانی ئاسایشی سلێمانی لەوێن و كوڕ و هێزەكەم لەوێن".
وتەبێژی پارتی سۆسیال دیموكرات بووەتە هۆی كێشەی نێوانی دوو بنەماڵە
ئەوەشیخستەڕوو:" وتەبێژی پارتی سۆسیال دیموكرات كەسێكی بێئەمەكە و ئەو بووەتە هۆی كێشەی نێوانی دوو بنەماڵە و داوای لەسەر تۆماردەكەم و ئەو هاندەری ئەم كێشەیەیە".
فەرهاد تۆفیق، سەرچاوەی ئەم گرژییانەیە
روونیشی كردەوە:" لە ئێستادا رووبەڕووبوونەوەكان وەستاوە و براكەم لەمن گەورەترە و چۆن من بچمە ساڵی ئەو، كێشەمی تایبەتی و شەخسیم نەبووە لەگەڵی و دوای قسەی وتەبێژێكی بەكرێگیراو كەوتووە".