وابڕیارە سبەینێ شەممە بافڵ جەلال تاڵەبانی، سەرۆكی یەكێتیی نیشتمانیی كوردستان سەردانی بەغدا بكات و چەند دیدار و كۆبوونەوەیەكی گرنگ ئەنجامبدات.
سەرۆكی یەكێتی سبەی لە سەردانەكەیدا چەندین كۆبوونەوە و دیداری سیاسی گرنگی دەبێت سەبارەت بە مافەكانی گەلی كورد و موچەخۆران و یەكخستنی هەوڵەكان بۆ چارەسەركردنی كێشەكانی نێوان هەولێر و بەغدا .
چەند كۆبوونەوەیەكی گرنگ ئەنجامدەدات
سەردانەكەی بافڵ جەلال تاڵەبانی بۆ بەغدا لەچوارچێوەی بەردەوامی هەوڵەكانیدایە بۆ زامنكردنی موچەی موچەخۆرانی هەرێم و پاراستنی مافەكانی كۆمەڵانی خەڵكی كوردستان ، هەروەك سوپاسكردنی سەرۆك وەزیرانی عێراقە ، كە بەدەنگ داواكاری یەكێتیی نیشتمانیی كوردستانەوە هاتن و هەماهەنگ بوون بۆ چارەسەركردنی كێشەكانی بەردەم مووچەخۆرانی هەرێم .