كەمێك بەر لە ئێستا لە بەشێكی زۆری بانكەكانی شاری سلێمانی سەرقاڵی ئامادەكاریین بۆ دابەشكردنی موچەی مانگی سێ.
بەپێی ئەو زانیارییانەی ئاڕاستەی BMC كراون:" كارمەندانی بانكەكان لە ئێستادا لەدەوامدان و ئامادەكاریی بۆ دابەشكردنی موچە دەكەن، كە بەپێی خشتەی وەزارەتی دارایی هەرێم سبەینێ دابەشكردنی موچە دەستپێدەكات".
سبەی دەست بە دابەشكردنی مووچە دەكرێت
ئاماژە بەوەشكراوە:" سبەی لە تەواوی بانكەكانی شاری سلێمانی دەست بە دابەشكردنی مووچە دەكرێت لە پێناو ئەوەی لەماوەی دیاریكراوی خۆیدا كۆتایی پێبێت".
ئەمەش لەكاتێكدایە، ئێوارەی ئەمڕۆ هەینی وەزارەتی دارایی و ئابوری هەرێم خشتەی دابەشكردنی موچەی مانگی سێی بڵاوكردەوە و بە كەسوكاری شەهیدان و زیندانیانی سیاسی دەستپێدەكات و بە سەرۆكایەتی ئەنجومەنی وەزیران كۆتایی دێت.