نوێنەری گشتیی مامۆستایانی وانەبێژ لەبارەی دابەشكردنی شایستەداراییەكانی مامۆستایان وانەبێژەوە روونكردنەوە دەدات.
عەلی رەئوف، نوێنەری گشتیی مامۆستایانی وانەبێژ، لە راگەیەندراوێكدا بڵاویكردەوە:" ئەگەر بەڕێوەبەرایەتیی پەروەردەكان چەكی بانكیی ئامادەبكەن ئەوا لە رۆژانی دووشەممە و سێشەممەی ئەم هەفتەیە شایستە داراییەكانی مامۆستایانی وانەبێژ دەدرێت".
بەشێك لە بەڕێوەبەرایەتییەكانی پەروەردەكان رۆژی یەكشەممەچەكی بانكییان ئامادەدەبێت
ئاماژەی بەوەشكردووە:" بەشێك لە بەڕێوەبەرایەتییەكانی پەروەردەكان لە پارێزگاكان رۆژی یەكشەممەچەكی بانكییان ئامادەدەبێت".
هەوڵ دەدەین پەروەردەكانی دیكەش چەكی بانكی ئامادەبكەن
روونیشیكردەوە:" پەروەردەكانی بەردەڕەش، دوكان، ئاكرێ، كەلار، سۆران، مێرگەسۆر، چۆمان، سێمێل و رواندز سبەی چەكی بانكییان ئامادە دەبێت و هەوڵ دەدەین پەروەردەكانی دیكەش چەكی بانكی ئامادەبكەن".