بەرێوەبەرایەتی بەرگری شارستانی دهۆك لە راگەیەندراوێكدا دۆزینەوەی تەرمێكی دیكەی لافاوەكەی ماوەی رابردووی راگەیاند.
بەرێوەبەرایەتی بەرگری شارستانی دهۆك لە راگەیەندراوێكدا بڵاوەیكردەوە:" كەمێك بەر لە ئێستا لەلایەن تیمەكانی سەر بە بەرێوەبەرایەتیمانەوە تواندرا تەرمی كەسێكی دیكە كە لە لافاوەكەی دهۆكدا بێسەروشوێن بووبوو بدۆزرێتەوە".
ئەو تەرمەی دۆزراوەتەوە بەناوی (ع. م.)ە
ئاماژەی بەوەشكردووە:" ئەو تەرمەی دۆزراوەتەوە بەناوی (ع. م.)ە و لەگەڵ یەكەم شەپۆلی لافاوەكەدا ئەم تەرمە بەرەو رووباڕەكانی نزیكی پارێزگاكە رۆیشتووە و بەشێوەیەكی گشتیش بەهۆی هەمان هۆكارەوە تەرمەكانی دیكەش هەمان سەرەنجامیان بەسەردا هاتووە".
ئەو شوێنانەی گومانی ونبوونی تەرمەكانی تێدا دەكرێت گەڕان تێیاندا بەردەوامە
ئەوەشیخستەڕوو:" تیمەكانی بەرگری شارستانی دهۆك لە گەڕان و پشكنینەكانیان بۆ دۆزینەوەی ئەو كەسانەی تا ئێستا بێسەروشوێنن بەردەوامە و تەواوی ئەو شوێنانەی گومانی ونبوونی تەرمەكانی تێدا دەكرێت گەڕان تێیاندا بەردەوامە".
لە بەنداوی موسڵ-یش گەڕان و پشكنین بەردەوامن
ئاشكراشیكردووە:" بە نەبوونی ئاسەواری تەرمەكانی دیكە بەشێوەیەكی راستەوخۆ گومانەكان بەرەو بەنداوی موسڵ دەچێن و لەوێش تیمەكانی سەر بە بەڕێوەبەرایەتییان لە هەوڵەكانیان بۆ دۆزینەوەی تەرمەكانی دیكە بەردەوامن".