هاتوچۆی سلێمانی رایگەیاند، له‌سه‌ر ڕێگه‌ی سلێمانی - عه‌ربه‌ت بارهه‌ڵگرێك وه‌رگه‌ڕا و ئاسته‌نگی هاتوچۆی بۆ شۆفێران دروستكردووە، دەشڵێت " رووداوەکە هیچ زیانێکی گیانی نەبووە ".

بەڕێوەبەرایەتی هاتوچۆی سلێمانی لە ئاگادارییەکدا بۆ شۆفێران ئاماژەی بەوەکرد، له‌سه‌ر ڕێگه‌ی سلێمانی - عه‌ربه‌ت بارهه‌ڵگرێك وه‌رگه‌ڕاوه‌ ئاسته‌نگی هاتوچۆی بۆ شۆفێران دروستكردوه‌.

ئەوەشی خستەڕوو، تا ئه‌وكاته‌ی هاتوچۆكردن له‌سلێمانیه‌وه‌ به‌ره‌و عه‌ربه‌ت ئاسایی ده‌بێته‌وه‌، شۆفێران ده‌توانن ڕێگه‌ی فولكه‌ی تانجه‌رۆ به‌ره‌و قه‌ره‌داغ به‌كاربهێنن.