دەروازەی نێودەوڵەتیی پەروێزخان لەبارەی هاتوچۆ و جوڵە بازرگانییەكان لە رۆژانی جەژنی رەمەزاندا، روونكردنەوەیەكی بڵاوكردەوە.
دەروازەی نێودەوڵەتیی پەروێزخان لە راگەیەندراوێكدا بڵاویكردەوە:" ئاگاداری سەرجەم بازرگانان، شۆفێران، نوسینگە و كاسبكارانی ناو حەرمی دەروازەكەمان دەكەینەوە یەكەم رۆژی جەژنی رەمەزان هاتوچۆی بازرگانی بۆ ماوەی 24 كاتژمێر رادەگیرێت".
لە دووەم رۆژی جەژنەوە هەموو هاتوچۆكان ئاسایی دەبنەوە
ئاماژەی بەوەشكردووە:" هاتوچۆی گەشتیاری ئاسایی دەبێت و راناگیرێت، لە دووەم رۆژی جەژنەوە هەموو هاتوچۆكان ئاسایی دەبنەوە".
ئەمەش لە كاتێكدایە، پێشتر دەروازەی نێودەوڵەتیی باشماخیش رایگەیاندبوو، یەكەم رۆژی جەژنی رەمەزان هاتوچۆی بازرگانی بۆ ماوەی 24 كاتژمێر رادەگرێت و رۆژەكانی دیكە ئاسایی دەبێتەوە.