جێگری سەرۆک وەزیرانی هەرێم لە رۆژی ئەنفالدا رایگەیاند،
کورد هەتا هەتایە بە زیندوویی دەمێنێتەوە
قوباد تاڵەبانی جێگری سەرۆک وەزیرانی هەرێم لە
بڵاوکراوەیەکدا رایگەیاند:" کورد ئەو میللەتەیە کە بەناو ئاگر و دۆزەخی ئەنفال و هەڵەبجەدا
تێپەڕی".
دەقی بڵاوکراوەکەی
قوباد تاڵەبانی:
خاکی پیرۆز..
بۆ گەلی کورد،
گەرمیان خاکی پیرۆزە، چونکە بست بە بستی ئەم خاکە شوێنپێی شەهیدێکی ئەنفالی لە
ئامێز گرتووە. بە دڵنیاییشەوە تا ئەو رۆژەی کورد بمێنێت نە تاوانی ئەنفال و نە یاد
و ناوی پیرۆزی ١٨٢ هەزار شەهیدی ئەنفال لەبیر دەکات. ئەمڕۆ لە دێبنەی ئازیز بە
یادی هەموو شەهیدانی ئەنفال تاجە گوڵینەمان لەسەر مۆنۆمێنتی شەهیدان دانا. یاد و
ناویان بۆ هەتاهەتایە لە دڵماندا بە پیرۆزی هەڵدەگرین.کورد ئەو میللەتەیە کە بەناو
ئاگر و دۆزەخی ئەنفال و هەڵەبجەدا تێپەڕی و هەروا زیندوو و لەسەرپێ ماوەتەوە، بۆیە
بۆ هەتا هەتایەش هەروا زیندوو دەمێنێتەوە.