بەڕێوەبەری
كاروباری ئێزیدییان لە وەزارەتی ئەوقاف رایگەیاند، ئەوەی
لە دەزگاكانی راگەیاندن بڵاودەكرێتەوە كەوا چوارشەممەی سوور جەژنی سەری ساڵی
ئێزدییانە، هەڵەیە، دەشڵێت " چوارشەممەی سوور هیچ پەیوەندییەكی بە ئێزیدییەوە
نییە ".
سعود
مستۆ نەجم، بەڕێوەبەری گشتیی كاروباری ئێزیدییان لە وەزارەتی ئەوقاف لە نوسراوێکدا
بۆ فەرمانگەی میدیا و زانیاری ئاماژەی بەوەکرد:" جەژنی سەری ساڵی ئێزیدییان
دەكەوێتە رۆژی چوارشەممە، 17ی4ی2024 و ئەم جەژنە گرینگترین بۆنەیە لای ئێمە
".
ئەوەشی
خستەڕوو، ئەم جەژنە بە ناوی "سەری ساڵی ئێزیدییان"ە وەك ئەوەی لە
فەرمانی پەرلەمانی كوردستان ژمارە 16 لە ساڵی 2010 ئاماژەی پێدراوە .
بەڕێوەبەری
كاروباری ئێزیدییان باسی لەوەشکرد:" ئەم جەژنە بە هەڵە لە زۆربەی كەناڵەكانی
راگەیاندن ناویان ناوە (چوارشەممەی سوور) كە هیچ پەیوەندییەكی بە ئێمە وەك ئێزیدی
نییە ".