سەرۆك وەزیرانی ئوردن رایگەیاند، هەرچ وڵاتێك ببێتە هۆی دروستكردنی مەترسی بۆ هاوڵاتیانیان بەرپەرچی دەدەینەوە.

 دكتۆر بەشیر خەساوینە، سەرۆك وەزیرانی شانشینی ئوردن لە كۆبوونەوەی ئەنجومەنی وەزیرانی وڵاتەكەیدا رایگەیاند:" هێزە ئاسمانییەكانیان وڵاتەكەمان پاش كۆكرنەوەی زانیاری ورد لەبارە چەند درۆنێكی ئێران كە ئاسمانی وڵاتەكەمانی تێپەڕاند، توانیان رێگری لەو فڕۆكە بێفڕۆكەوانانە بكەن".

بێگوێدانە وڵات و هۆكار رووبەڕووی هەر مەترسییەك دەبینەوە كە هێڵی سوورن بۆ هاوڵاتیانمان

وتیشی:" وڵاتەكەمان گوێنادات بەوەی كێ و لە رێگای چییەوە كام وڵات دەبێتە هۆی مەترسی بۆسەر گیان و ژیانی هاوڵاتیانمان، بەڵام ئەوەی گرنگبێت ئەوەیە كە هێزە ئەمنییەكانمان بەشێوەیەكی گشتی رووبەڕوو و بەرانبەری ئەو مەترسیانە دەوەستنەوە كە بۆسەر وڵاتەكەمان هێڵی سوورن".

ئەمەش لەكاتێكدایە، شەوی (13/4/2024) و كاتژمێر 10:00 خولەكی شەو، سوپای پاسدارانی ئێران لە تۆڵەی بەئامانجگرتنی كۆنسوڵخانەكەی لە دیمەشقی پایتەخت و كوژرانی چەند بەرپرسێكی باڵای وڵاتەكەی لەلایەن ئیسڕائیلەوە، هێرشێكی مووشەك (هاژەك)ی و درۆنی بۆسەر سنوورەكانی ئورشەلیم ئەنجامدا و لەبرانبەریشدا بە پشتیوانی بەشێك لە وڵاتانی یەكێتی ئەوروپا و ئەمریكا و بەڕیتانیا سیستمی دژە فڕۆكە و بەرگری ئاسمانی ئیسڕائیل توانی بەرپەرچی هێرشەكەی تاران بداتەوە.