بریکارێکی وەزارەتی کشتوکاڵ
و سەرچاوەکانی ئاو رایگەیاند، وەزارەتی بازرگانی عێراق سەرجەم گەنمی جوتیارانی
هەرێم وەرناگرێت.
کەریم سلێمان بریکاری
وەزارەتی کشتوکاڵ و وەزارەتی سەرچاوەکانی ئاو رایگەیاند:" لە ئێستادا شاندێکی
وەزارەتی بازرگانی حکومەتی عێراق لە هەولێرە و بڕیارە لەگەڵ وەزارەتی کشتوکاڵی هەرێم
کۆببێتەوە".
ئاماژەی بەوەشکرد:"
مەبەست لە کۆبوونەوەکە تاوتوێکردنی پلانی وەرگرتنی بڕی گەنمی ئەمساڵی جوتیارانی پارێزگاکانی
هەرێمی کوردستانە، وەزارەتی بازرگانی عێراق سەرجەم گەنمی جوتیارانی شارەکانی
باشوور و ناوەڕاستی عێراق وەردەگرێت، بەڵام بۆ هەرێمی کوردستان هەمان رێککار پەیڕەو
ناکات".