ئەندامێكی لیژنەی دارایی لە ئەنجومەنی نوێنەرانی عێراق لەبارەی ناردنی مووچە مووچە خۆرانی هەرێم نوێترین زانیاری ئاشكرا دەكات.
دكتۆرە نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بڵاویكردەوە:" وردبینی لیستی مووچەخۆرانی هەرێم لەلایەن وەزارەتی دارایی عێراقەوە بەردەوامی هەیە و لەگەڵ تەواوبونی وردبینیەكە مووچەی مووچەخۆرانی هەرێم رەوانەی هەرێمی كوردستان دەكرێت".
هەتا ئەمڕۆ یەكشەممە دابەشكردنی مووچە لە عێراق بەردەوامی هەیە
باسی لەوەشكردووە:" لەم هەفتەیەدا مووچەی مووچەخۆرانی هەرێم لە بەغداوە رەوانە دەكرێت، ئەمەش لە كاتێكدایە كە هەتا ئەمڕۆ یەكشەممە دابەشكردنی مووچە لە عێراق بەردەوامی هەیە و كۆتایی نەهاتووە".
ئەم لێدوانەی ئەو ئەندامەی لیژنەی دارایی لە ئەنجومەنی نوێنەرانی عێراق لەكاتێكدایە، یەك شەممەی هەفتەی رابردوو، لیستی مووچەی مانگی نیسانی فەرمانبەران و مووچەخۆرانی هەرێمی كوردستان رەوانەی بەغدا كراو بڕیارە دوای وردبینی تەمویلی مووچەی سەرجەم وەزارەت و دامەزراوەكانی هەرێمی كوردستان رەوانە بكرێت.