قائیمقامی هەولێر
ئاشکرایکرد، چەند کەسێك بەهۆی ئاگرەکەی شەوی رابردووی بازاڕی قەیسەرییەوە
دەستگیرکراون.
نەبەز عەبدولحەمید
قائیمقامی قەزای ناوەندی هەولێر لە لێدوانێکی رۆژنامەوانیدا رایگەیاند:"
لیژنەیەک بە مەبەستی دەستنیشانکردنی زیانەکانی ئاگرەکەی شەوی رابردووی بازاڕی
قەیسەریی هەولێر پێکهێندراوە و کارەکانی نۆژەنکردنەوەی بازاڕەکەش
دەستپێدەکات".
ئاماژەی بەوەشکرد:"
خاوەن دوکانەکانی بازاڕەکە دڵنیا دەکەینەوە، سەرجەم ئەو کەلوپەلانەی لەناو
دوکانەکان ماوەتەوە لەلایەن هێزە ئەمنییەکانەوە پارێزگارییان لێدەکرێت".
لێکۆڵینەوەکان لەگەڵیاندا بەردەوامە
وتیشی:" چەند کەسێک
بەهۆی ئاگرەکەی شەوی رابردووەوە دەستگیرکراون و لە ئێستاشدا لێکۆڵینەوەکان
لەگەڵیاندا بەردەوامە"
نزیکەی کاتژمێر 9:30
شەوی رابردوو، ئاگر لە بازاڕی قەیسەریی هەولێر کەوتەوە و لە ئەنجامدا نزیکەی 400 دوکان
سووتان و چەند کەسێکیش بریندار بوون.