قائیمقامیەتی قەزای دەربەندیخان دەنگۆی شێواندنی تونی بابا و دروستکردنی
کارگە لە نزیك شوێنەکەی رەتکردەوە و دەڵێت " بەدواداچوونمان کردووە و ئەو دەنگۆیە
دوورە لە راستییەوە ".
قائیمقامیەتی قەزای دەربەندیخان لە راگەیەندراوێکدا ئاماژەی بەوەکرد:"
ئەمڕۆ پێنجشەممە، لیژنەیەک لە نوێنەری پارێزگای سلێمانی، بەڕێوەبەرایەتی نەوت و
کانزاکانی سلێمانی، نوێنەری قائیمقامیەت و کشتوکاڵی دەربەندیخان سەردانی
ناوچەکەیان کرد و لە نزیکەوە جێگەکانیان بینی، دەرکەوت ئەو هەواڵ و دەنگۆیانە دوورن
لە راستییەوە کە گوایە کارگە لەو ناوچەیەی نزیک تونی بابا دروستکرابێت ".
ئەوەشی خستەڕوو:" وەک یەکەی ئیداری قەزاکە رێگە و مۆڵەتپێدان بۆ
هەر کارگەیەک لەو ناوچەیە رەتدەکەینەوە ، بۆ ئەوەی سروشتی جوانی ناوچەکە پارێزراوبێت
".