دابەزینی بەهای تمەنی ئێرانی بەرامبەر بە دۆلار
بەردەوامە، ١٠٠ دۆلاری ئەمریكی بەرامبەرە بە دوو ملیۆن و ٦٥٠ هەزار تمەن.
دابەزینی بەهای تمەنی ئێرانی ژمارەیەکی پێوانەیی
نوێی تۆمارکرد و لە ئێستادا نرخی دۆلارێکی ئەمریکی بەرامبەرە بە ٢٦ هەزار و ٥٠٠ تمەن.
ئەمڕۆ دووشەممە، جارێکی دیکە بەهای تمەنی ئێرانی
دابەزی و هەر دۆلارێکی ئەمریکی لە بازاڕی کڕین و فڕۆشتنی دراو لە تارانی پایتەختی
ئێران، بەزیاتر لە ٢٦ هەزار و ٥٠٠ تمەن مامەڵەی پێوەکرا، بەوەش ١٠٠ دۆلاری ئەمریکی
بە دوو ملیۆن و ٦٥٠ هەزار تمەنی ئێرانی مامەڵەی پیوەکراوە.
دراوە ئێرانییەكە لەمساڵدا نزیكەی نیوەی بەهاكەی
لەدەستداوە، وێڕای بوونی سزاكانی ئەمریكا پەتای كۆرۆنا و دابەزینی بەهای نەوت گرفتە
ئابورییەکانى ئێرانى گەورەتر کردووە.