بەیانی ئەمڕۆ سێشەممە، قادری حاجی عەلی كەسایەتی سەربەخۆ و یەکێک لە دامەزرێنەرانی پێشووی بزوتنەوەی گۆڕان، دوای ململانێیەكی زۆر لەگەڵ ڤایرۆسی كۆرۆنا، كۆچی دواییكرد.
بنەماڵە و هاوڕێیانی قادری حاجی عەلی رایانگەیاندووە " بەداخ و پەژارەیەكی زۆرەوە هەواڵی مەرگی ناوەختی سەركردە و سوارچاكی شۆڕش و ورەو بەرەنگاربونەوەی نادادی بەڕێز (قادری حاجی عەلی) رادەگەیەنین، كە ئەمڕۆ دوای ململانێیەكی زۆر لەگەڵ نەخۆشی كۆرۆنا گیانی لەدەستدا".
دەقی راگەیاندراوەکە:
هاونیشتمانیانی بەڕێزی كوردستان
بەداخ و پەژارەیەكی زۆرەوە هەواڵی مەرگی ناوەختی سەركردە و سوارچاكی شۆڕش و ورەو بەرەنگاربونەوەی نادادی بەڕێز (قادری حاجی عەلی) رادەگەیەنین، كە ئەمڕۆ ( 2020/11/9 ) دوای ململانێیەكی زۆر لەگەڵ نەخۆشی كۆرۆنا گیانی لەدەستدا.
گیان لەدەستدانی كاك قادری حاجی عەلی وەك سەركردەیەكی خۆنەویست و خۆشەویست و جێی متمانە و ئومێدی خەڵك و پشتیوانی ستەملێكراوان، سەركردەی دیارو سەربەخۆی گەلەكەمان، ئەسەف و خەسارەتێكی گەورەیە بۆ هەموان..
بنەماڵەی قادری حاجی عەلی
هاوڕێیانی قادری