ئاوات محەمەد قائیمقامی سلێمانی ڕایگەیاند،  ھیوادارین ساڵی نوێ ساڵی بوژانەوەی ژیانی خەڵک بێت.

 ئاوات محەمەد قائیمقامی سلێمانی لە پەیامێکیدا بەبۆنەی ھاتنی ساڵی نوێی ٢٠٢١ رایدەگەیەنێت: ساڵی رابردوو لە رووی ئابوری و تەندروستیەوە ساڵێکی سەخت و دژوار بوو بۆ ھاوڵاتیان ، دەشڵێت ھەمووان ساڵێکی سەخت و دژوارمان بەڕێکرد ھیوادارین ٢٠٢١ ساڵێکی ئارام و دەفەتێکی  نوێ بێت بۆ  بوژانەوەی ژیانی خەڵک و کۆتایی ھێنان  بە سەختی و دژوارییەکان .

لە پەیامەکەیدا قائیمقامی سلێمانی رایدەگەیەنێت، ھەرچەندە ئەمساڵ بەھۆی بارودۆخی تەندروستیەوە بە فەرمی ھیچ مەراسیم و بۆنەیەک لە سلێمانی رێک نەخراوە بەڵام بۆ ئەوەی ھاولاتیان لە بارودۆخێکی ئارامی و ھێمندا پێشوازی لە ساڵی نوێ بکەن ھەموو ئامادەکارییەک کراوە و تیمە ئەمنی وخزمەتگوزارییەکان رێوشوێنی پێویستیان گرتووەتەبەر ،

لە کۆتایی پەیامەکەیدا ئاوات محەمەد قائیمقامی سلێمانی دەڵێت: ئومێدەوارم  بەھەوڵی ھەمووان ساڵی نوێ دەرفەت و قۆناغێکی نوێ بێت  بۆ باشبونی ژیانی خەڵک و کۆتایی ھێنان بەو گرفت و دژوارییانەی کە لە سالانی رابردوودا ئاستەنگیان لە بەردەم ژیانی خەڵکدا دروست کردووە.