وەزیری ناوخۆی هەرێم گیانلەدەستدانی بریندارێکی دیکەی هێرشە موشەکییەکەی
سەر شاری هەولێر راگەیاند.
ئەمڕۆ دووشەممە، ٢٢ی شوباتی ٢٠٢١، رێبەر ئەحمەد، وەزیری ناوخۆی هەرێم لە
کۆنگرەیەکی رۆژنامەوانیدا رایگەیاند:"یەکێک لە بریندارانی هێرشە موشەکییەکی شەوی ١٥ی
شوباتی ٢٠٢١ی سەر شاری هەولێر گیانیلەدەستدا و هیوای زوو چاکبوونەوەش بۆ بریندارانی دیکە دەخوازین".
ناوبراو راشیگەیاند:" لیژنەیەکمان
بە هاوبەشی لەگەڵ حکومەتی عێراق پێکهێناوە و هیوادارین حکومەتی عێراق ئەوانە
دەستگیربکات کە تاوانبارن و بە سزای یاسای خۆیان بگەیەندرێن".
بە گوێرەی زانیارییەکان ئەو کەسەی گیانیلەدەستداوە لە نەتەوەی عەرەبە و خەڵکی
پارێزگای سەڵاحەدینە.