لە ئەنجامی وەرگەڕانی تراکتۆرێک لە دهۆک پیاوێکی تەمەن ٥٠ ساڵان لە کاتی شۆفێریکردندا کەوتە ژێر تراکتۆرەکەی و بەهۆیەوە گیانیلەدەستدا.

ئەمڕۆ پێنجشەممە، ٨ی نیسان، هێمن سلێمان، وتەبێژی پۆلیسی دهۆک رایگەیاند:" پاش ئەوەی ئێوارەی ئەمڕۆ پیاوێکی تەمەن ٥٠ ساڵان لە کاتی کارکردن لە باخەکەی لە سنوری ناحیەی سەرسەنگ لە پارێزگای دهۆک تراکتۆرەکەی وەرگەڕا، خۆشی کەوتە ژێر تراکتۆرەکەی و بەهۆیەوە گیانیلەدەستدا ".

ناوبراو راشیگەیاند:" ئەو هاوڵاتییەی گیانیلەدەستدا ناوی یوسف حەسەن بووە و پاش رێککارەکان لە گۆڕستانی ناحیەی سەرسەنگ بەخاکسپێردرا".