دەستەی کەشناسی عێراق رایگەیاند، پێشبینی دەکرێت رۆژی شەممەی داهاتوو
نمەباران لە بەشێکی ناوچەکانی هەرێمی کوردستان ببارێت.
دەستەی کەشناسی عێراق لە راگەیەندراوێکیدا ئاماژەی بەوەکردووە:" رۆژی
شەممەی داهاتوو ئاسمانی زۆربەی ناوچەکانی هەرێمی کوردستان پەڵە هەور دەبێت و لە
ناوچە سنوورییەکانی باکوریش ئەگەری نمەباران هەیە ".
ئەوەشی خستووەتەڕوو:" سبەی لە سەرجەم پارێزگاکانی عێراق و هەرێمی کوردستان لە نێوان ساماڵ و
پەڵەهەور دەبێت، پلەکانی گەرماش کەمێک بەرز دەبێتەوە ".