بافڵ جەلال تاڵەبانی رایگەیاند، هەڵبژاردنی ئەمجارە جیاوازتر
و دیموكراسیتر دەبێت و هەمووان نوێنەری راستەقینەی خۆیان هەڵدەبژێرن.
بافڵ جەلال تاڵەبانی، سەرۆکی یەکێتیی نیشتمانیی کوردستان
لە دەباشان پێشوازیکرد لە یان برێم، کونسوڵی گشتیی فەڕەنسا لە هەرێمی کوردستان و رایگەیاند، نابێت ژیانی خەڵك و سەقامگیریی وڵات
تێكەڵی ململانێ سیاسییەكان بكرێن.
ئاماژەی بەوەش کرد:" دەبێت هەموولایەك بەرامبەر ژیان
و گوزەرانی هاوڵاتییان بەرپرسیاربن و هەوڵەكان لەچوارچێوەی بەدیهێنانی داهاتوویەكی
سەقامگیرتربێت نەك قووڵكردنەوەی ناكۆكییەكان ".
لەبارەی هەڵبژاردن لە هەرێمی كوردستان و بەڕێوەچوونی پڕۆسەكە
سەرۆك یەکێتی وتی، هەڵبژاردنی ئەمجارە جیاوازتر و دیموكراسیتر
دەبێت و هەمووان نوێنەری راستەقینەی خۆیان هەڵدەبژێرن، ئەمەش سەرەتایەكی گرنگە
بۆ گۆڕانكاری لە شێوازی حوكمڕانی و بەهێزتركردنی هەرێمی كوردستان.