وەزارەتی خوێندنی باڵا و توێژینەوە زانستییەکان رایگەیاند، بڕیاریانداوە داشکاندنێکی دیکەش بۆ خوێندنی پارالێل لە زانکۆ و پەیمانگاکان ئەنجامبدەن.
وەزارەتی خوێندنی باڵا و توێژینەوەی زانستی لە راگەیاندراوێکدا ئاشکرایکرد:" سەرەڕای لێخۆشبوونی %45ی کرێی خوێندنی پارالێل، بڕیاری لیخۆشبوونێکی دیکەش بۆ زانکۆ و پەیمانگاکان دراوە".
ئاماژەی بەوەشکرد:" وەزارەتەکەمان بڕیاریداوە بە لێخۆشبوونی %20ی دیکە بۆ کرێی خوێندنی پارالێل لە زانکۆ و پەیمانگا حکومییەکانی هەرێمی کوردستان".
بەپێی راگەیەندراوەکەی وەزارەتی خوێندنی باڵا و توێژینەوەی زانستی، لە ئێستادا بڕیاری لێخۆشبوونی %65 بۆ کرێی خوێندنی پارالێل لە زانکۆ و پەیمانگا حکومییەکانی هەرێم کراوە.