دەربارەی ئەگەری روودانی هەر رووداوێكی نەخوازراو لە میانەی بەڕێوەچوونی ئاهەنگەكانی نەورۆز، بەڕێوەبەری سەنتەری فریاكەوتنی خێرای سلێمانی زانیاری ئاشكرا دەكات.
سامان نادر، بەڕێوەبەری سەنتەری فریاكەوتنی خێرای سلێمانی، 122 لە لێدوانێكدا رایگەیاند:" دوێنێ تا درەنگانی شەو بۆ هەر حاڵەتێكی نەخوازراو و بەهاناوەچوونی ئەو هاووڵاتییانەی تووشی روداوێك دەبن تیمەكانیان لەئامادەباشیدابوون".
ئاماژەی بەوەشكردووە:" خۆشبەختانە هیچ روداوێك رووینەداوە و لەكاتی بەڕێوەچوونی ئاهەنگەكانی نەورۆز، هەموو شتێك بە باشی بەڕێوەچووە".