بەڕێوەبەرایەتی گشتی کەشناسی و بومەلەرزەزانی
هۆشدارییەکی لەبارەی ئەو شەپۆلە باران بارینەوە بڵاوکردەوە کە بڕیارە ئەمڕۆ
رووبکاتە هەرێم.
بەڕێوەبەرایەتی گشتی کەشناسی و بومەلەرزەزانی هەرێم
رایگەیاند:" لە ئەنجامی دوو نزمە پاڵەپەستۆی دەریای سوور و کەندای عەرەب
شەپۆلێکی باران بارین روو لە هەرێم دەکات".
ئاماژەی بەوەشکرد:" پێشبینی دەکرێت لە گەرمیان 35 –
45 ملیم، لە سلێمانی و هەڵەبجە و راپەڕین 20 – 25 ملیم، لە دهۆک حەوت – 12 ملیم و
لە هەولێر 10 – 15 ملیم باران ببارێت".
باسی لەوەشکرد:" هاوکات لەگەڵ باران بارینەکەدا و
لە کاتەکانی شەودا، بارستە هەوایەکی سارد روو لە ناوچەکەمان دەکات و لە ناوچە
شاخاوییە سنورییەکان بەفر دەبارێت و ئەگەری تەرزە بارینیش هەیە".