مەسعود بارزانی رایگەیاند، بەبێ گەڕانەوەی کورسی پێکهاتەکان بۆ پەرلەمانی
کوردستان ئامادە نین بەشداری لە هەڵبژاردن بکەن، دەشڵێت " بێبەشكردنی
پێكهاتەكان لێدانە لە بەها مێژووییەكانی گەلەكەمان ".
مەسعود بارزانی، سەرۆکی پارتی دیموکراتی کوردستان لە میانەی پێشوازیکردنی
لە قەداسەتی پاتریاك مارئاوای سێیەم، پاتریاكی كەنیسەی ڕۆژهەڵاتی ئاشووری لە
جیهان و مەترانەكان وتی:" بە بێ راستكردنەوەی ئەو هەڵەیە و بەبێ بەشداریی
پێكهاتەكان ئامادە نین بەشداریی هەڵبژاردن بكەین، چونكە بێبەشكردنی پێكهاتەكان لێدانە
لە بەها مێژووییەكانی گەلەكەمان ".
پارێزگاری لە فەرهەنگی پێكەوەژیان دەکەین
ئەوەشی خستەڕوو:"
بوونی فەرهەنگی پێكەوەژیان لە كوردستان شانازییەكی گەورەیە و بە هەموو شێوەیەك پارێزگاری
لێدەكەین و دەوڵەمەندتری دەكەین ".
بڕیارە رۆژی 10ی حوزەیرانی 2024 هەڵبژاردنی خولی شەشەمی پەرلەمانی
کوردستان بەڕێوەبچێت، بەڵام تاکو ئێستا پارتی بەهۆی نیگەرانییەکانی بەرامبەر نەمانی
کورسی پێکهاتەکان، بڕیاری نەداوە بەشداری لە پرۆسەکە بکات.