یەکێتی نیشتمانی کوردستان تانەی لە بڕیارەکەی کۆمسیۆن داوە بۆ راگرتنی
کارەکانی تایبەت بە هەڵبژاردن.
رزگار حاجی حەمە لێپرسراوی مەکتەبی هەڵبژاردنەکانی یەکێتی نیشتمانی کوردستان رایگەیاند:" تانەمان لە
بڕیارەکەی ئەنجومەنی کۆمسیاران داوە کە کاروبارەکانی راگرتووە، چونکە بڕیارەکە لە
رووی یاسایی و سیاسییەوەیە و لە بەرژەوەندی دیموکراسی هەرێمی کوردستاندا
نییە".
هاوکات تەلار لەتیف
لێپرسراوی ناوەندی کاروباری یاسایی یەکێتی نیشتمای کوردستان وتی:" لە رێگەی
رزگار حاجی حەمە نوێنەری قەوارەی سیاسیمان، تانەمان لە بڕیارەکەی کۆمسیاران داوە،
چونکە بەپێی فەرمانە وەلائییەکەی دادگای فیدراڵی کە لەسەر دوو لە ماددەی دوو تایبەتە بە دابەشکردنەوەی کورسییەکانی پەرلەمان بەسەر بازنەکاندا، نەک
هەڵپەساردنی بەشێک لە پڕۆسەی هەڵبژاردن وەک لە بڕیارەکەی کۆمسیاراندا هاتووە".
یەکێتی بە هیچ شێوەیەک لەگەڵ ئەو بڕیارەدا نییە
ئاماژەی بەوەشکرد:"
بڕیارەکە کاریگەری نەرێنی لە رووی سیاسی و یاسایی و ماددییەوە بۆ ئێستا و داهاتووی
پڕۆسەی دیموکراسی لە هەرێمی کوردستان دەبێت و یەکێتی بە هیچ شێوەیەک لەگەڵ ئەو
بڕیارەدا نییە کە دەبێتە هۆی دواخستن و راگرتنی هەڵبژاردن".