بە مەبەستی بەشداریکردن
لە کۆبوونەوەی هاوپەیمانی بەڕێوەبردنی دەوڵەت، سەرۆکی یەکێتی نیشتمانی کوردستان
سەردانی بەغدا دەکات.
میدیای فەرمی یەکێتی
نیشتمانی کوردستان رایگەیاند:" بافڵ جەلال تاڵەبانی سەرۆکی یەکێتی نیشتمانی
کوردستان ئێوارەی ئەمڕۆ بەشداری کۆبوونەوەی هاوپەیمانی بەڕێوەبردنی دەوڵەت دەکات،
کە لە بەغدا بەڕێوەدەچێت".
هەڵبژاردنی داهاتووی پەرلەمانی کوردستان تاوتوێ دەکرێت
ئاماژەی بەوەشكرد:"
بەگوێرەی زانیارییەکان، لە کۆبوونەوەکەدا پرسی هەڵبژاردنی سەرۆکی ئەنجومەنی
نوێنەرانی عێراق و هەڵبژاردنی داهاتووی پەرلەمانی کوردستان تاوتوێ دەکرێت".
پێشتریش شاخەوان عەبدوڵا
جێگری سەرۆکی ئەنجومەنی نوێنەرانی عێراق ئاشكرایکردبوو، سەرۆکی هەرێمی کوردستان بە
هەمان مەبەست سەردانی شاری بەغدا دەکات.