وەزیری کشتوکاڵ و سەرچاوەکانی ئاو رایگەیاند، "سەدان تۆن پەتاتە
و تەماتە كە دەویسترا بە نایاسایی هاوردە بكرێت دەستیان بەسەردا گیراوە".
بێگەرد تاڵەبانی وەزیری کشتوکاڵ و سەرچاوەکانی ئاو لە پەرەی تایبەتی
خۆی بڵاویکردۆتەوە، "لەچەند رۆژی رابردوو سەرقاڵی بەدواداچوون و كۆكردنەوەی
زانیاریی بووین لەسەر هاوردەكردنی سەدان تۆن پەتاتە و تەماتە كە دەویسترا بە
نایاسایی هاوردە بكرێت".
ئەوەشی خستۆتەڕوو، "دوای کۆکردنەوەی زانیاری و هەوڵەكانمان
بەردەوام بوو تاوەكو توانیمان دەستی بەسەردا بگرین لە مەرزەكان.
رونیشیکردۆتەوە، "كاتێك بڕیاری قەدەغەكردن و دانانی باجی
پێویست لەسەر بەرهەمی هاوردە دادەنێم بۆ پاراستنی بەرهەمی جوتیارانمانە، بۆیە
لەگەڵ قەدەغە و دانانی باج رێكاری تری پێویستیش دەگرینەبەر بۆ ئەوەی لە وەرزی
پێگەیشتنی بەرهەمی جوتیارانمان بتوانرێت لەبازاڕ ساغ بكرێتەوە".