Alternate Text

زۆرترین بینراو

Alternate Text

سبەینێ پەرلەمانی کوردستان کۆدەبێتەوە

کوردستان

پێش 3 هەفتە

Alternate Text

پەرلەمانی کوردستان رایگەیاند، سبەینێ ، دانیشتنی ژمارە ٩ی ئاسایی خولی پایزە بەڕێوەدەچێت.

سەرۆکی پەرلەمانی کوردستان رایگەیاند، "بە پشتبه‌ستن به‌حوكمی بڕگه‌ی (سێیه‌م) له‌مادده‌ی (١٨)ی په‌یڕه‌وی ناوخۆی په‌رله‌مانی كوردستان - عێراق، بڕیارماندا بانگهێشتی گشت ئه‌ندامه‌ به‌ڕێزه‌كانی په‌رله‌مان بكه‌ین بۆ دانیشتنی ژماره‌ (٩)ی ئاسایی خولی پایزه‌ی ساڵی دووه‌م له‌خولی هه‌ڵبژاردنی پێنجه‌می په‌رله‌مانی كوردستان-عێراق، له‌كاتژمێر (١١)ی پێشنیوه‌رۆی ڕۆژی چوارشه‌ممه‌ رێكه‌وتی ٢٠٢٠/١٠/٧."

هاوکات، ده‌سته‌ی سه‌رۆكایه‌تیی په‌رله‌مانی كوردستان، به‌رنامه‌ی كاری دانیشتنەکەی بڵاوکردەوە و تیایدا:

یه‌كه‌م: خوێندنه‌وه‌ی یه‌كه‌می پێشنیازه‌یاسای (پاراستنی تۆڕو بنچینه‌كانی ئاوو ئاوه‌ڕۆ له‌هه‌رێمی كوردستان-عێراق)، به‌پێیی حوكمی مادده‌كانی (٧٩، ٨٠، ٨٢) له‌په‌یڕه‌وی ناوخۆی په‌رله‌مانی كوردستان.

دووه‌م: خوێندنه‌وه‌ی دووه‌م بۆ پێشنیازه‌یاسای (هاورده‌كردن و فرۆشتنی به‌رهه‌مه‌ نه‌وتییه‌كان له‌هه‌رێمی كوردستان-عێراق)، به‌پێیی حوكمی مادده‌كانی (٨٧، ٨٨، ٨٩) له‌په‌یڕه‌وی ناوخۆی په‌رله‌مانی كوردستان.

Copyright 2019 BMC TV. All right reserved

Designed and Developed by AVESTA GROUP