ماوەی چەند رۆژێكە بەغداد دەستی بە ناردنی بەشە نەوتی سپی سنوری پارێزگای سلێمانی کردووە و بڕیارە لە ئایندەیەکی نزیکدا دەست بە دابەشکردنی بکرێت.
محەمەد حەسیب، بەڕێوبەری نەوت و کانزاکانی سلێمانی بە BMC راگەیاند، لە ئێستادا بەغداد دەستی بە ناردنی بڕە نەوتی سنوری پارێزگای سلێمانی کردووە، رۆژانە چەند تەنکەرێک دەگەن.
روونیشیکردەوە، لەدوای عەمبارکردنی بڕی پێویستی نەوت، لە ماوەیەکی نزیکدا دەست بە دابەشکردنی دەکەین بەسەر ماڵاندا.