کەسێک لەسەر دۆسیەی کوشتنی دوو خوشکەکەی قەزای چەمچەماڵ دەستگیرکراوە و پۆلیسی سلێمانیش دەڵێت" مامیانە".

ئەمڕۆ یەکشەممە ١١ی تشرینی یەکەم پۆلیسی سلێمانی بڵاویکردووەتەوە، مه‌فره‌زه‌كانی‌ بنكه‌ی‌ پۆلیسی‌ فریاكه‌وتنی‌ چه‌مچه‌ماڵ تۆمه‌تبارێكیان ده‌ستگیركرد كه‌ له‌سه‌ر دۆسیه‌ی‌ كوشتنی‌ دوو خوشكه‌كه‌ی‌ شارۆچكه‌ی‌ چه‌مچه‌ماڵ داواكراو بوو .

روونیشیکردووەتەوە، له‌ئێستادا تۆمه‌تبار كه‌ مامی‌ دووكچه‌ كوژراوه‌كانه‌ به‌بڕیاری‌ به‌ڕێز دادوه‌ر و به‌پێی‌ مادده‌ی‌ ٤٠٦ له‌یاسای‌ سزادانی‌ عیراقی‌ راگیراوه‌ و لێكۆڵینه‌وه‌ له‌گه‌ڵیدا به‌رده‌وامه‌.