لیژنە هاوبەشەکانی سەر بە قائیمقامیەتی سلێمانی دوکانی گۆشتفرۆشی باوان لە ناو بازاڕی سلێمانی داخست.

ئەمڕۆ چوار شەممە ١٨ ی تشرینی دووەم، لیژنە هاوبەشەکانی قائیمقامیەتی سلێمانی بەهۆی فرۆشتنی چەوری ئاژەڵی ناتەندروست، دوکانی گۆشتفرۆشی باوانی داخست کە لە ناو بازاڕی سلێمانییە و نزیکە لە چاخانەی شەعب.
لەکاتی سەردانیکردنی لیژنەکە بۆ دوکانی گۆشتفرۆشەکە، ئاشکرابوو کە بەفرگرەکەی لە دوکانێکی نزیک خۆی داناوە و لەناویدا بڕێکی زۆر لە چەوری ئاژەڵی تێدا بوو کە ناتەدروست بوو و نیازی وابوو لەگەڵ گۆشتی قیمە تێکەڵی بکاتەوە و بە هاوڵاتیانی بفرۆشێت.
لە راگەیاندنەکەشدا هاتوە، بە فەرمانی قائیمقامیەتی سلێمانی، دوکانی گۆشتفرۆشەکە داخراوە و رێککاری یاسایی بەرامبەر خاوەنەکەی دەگیردرێتە بەر.