بڕیارە لە سەرەتای ساڵی داهاتوو هۆڵەندا هێزێکی سەربازی بە مەبەستی پاراستنی ئاسایشی فڕۆکەخانەی هەولێر و راهێنانی هێزی پاسەوانی فڕۆکەخانەکە بگەنە شاری هەولێر.
وەزارەتی بەرگری هۆڵەندا لە راگەیەندراوێکدا بڵاویکردووەتەوە، لە ئێستادا هاوپەیمانی نێودەوڵەتی دژ بە داعش، ئاراستەی کاری بۆ راوێژکاری هێزە ناوخۆییەکانی ناوچەکە گۆڕیوە، ئەو ئەرکەش لەژێر فەرماندەیی هۆڵەندادا دەبێت.
ئاشکراشیکردووە، لە سەرەتای ساڵی ئایندە هێزێک دەنێرێتە شاری هەولێر، کە کاری سەرەکیان مەشق و راهێنان بە هێزەکانی پاسەوانی فڕۆکەخانە و پاراستنی ئاسایشەکەی دەبێت.