وا بڕیارە ئەمڕۆ، ئەنجومەنی وەزیرانی هەرێمی کوردستان کۆبێتەوە
بۆ تاوتوێ کردنی چەند پرسێک.
ئەمڕۆ چوار شەممە ٢٥ی تشرینی دووەم، فەرمانگەی میدیا و
زانیاری سەر بە حکومەتی هەرێمی کوردستان رایگەیاند، وا بڕیارە پێش نیوەڕۆی ئەمڕۆ
ئەنجومەنی وەزیران بە سەرپەرشتی مەسرور بارزانی، سەرۆکی حکومەتی هەرێمی کوردستان و
قوباد تاڵەبانی، جێگری سەرۆکی حکومەت، کۆبێتەوە.
لە راگەیاندنەکەشدا ئاشکراکراوە, وابڕیارە لە کۆبوونەوەکەدا بابەتەکانی داهات و
خەرجییەکانی هەرێم و پێشهاتەکانی دانوستانەکان لەگەڵ بەغداد تاوتوێ بکرێت، هەروەها
یەکێک لە پرسەکانی دیکە پێشنوسی پەیڕەوی ماف و ئیمتیازاتەکانی کەسوکاری شەهیدان و
ئەنفالکراوان دەبێت.