پۆلیسی هەولێر دەستگیرکردنی کەسێکی راگەیاند کە ماوەی ١١ساڵە بە تۆمەتی کوشتن بڕیاری دەستگیرکردنی هەبووە.
ئەمڕۆ یەکشەممە پۆلیسی هەولێر بڵاویکردووەتەوە، بەشی پۆلیسی عەنكاوە، هەریەكە لە بنكەی پۆلیسی عەنكاوە و بنكەی پۆلیسی تووڕەق، بە هاوكاریی بەشی پۆلیسی فریاكەوتن، لەناو گومرگی سەوزە و میوەی هەولێر، تۆمەتبارێكیان بە ناوی (ع.ع.ح) تەمەن 36 ساڵ، دەستگیر كرد، كە لەساڵی (٢٠٠٩)وە بەپێی ماددەى (405) لە یاسای سزادان داواكرابوو.
ئاشکراشیکردووە، تۆمەتباری ناوبراو، كە لە كاتی دەستگیركردنیدا دەست بەسەر ئۆتۆمبێلەكەی لە جۆری (كیا فلات) و هەروەها دەمانچەیەكی جۆری (كڵۆك) و كلاشنكۆفێكی جۆری (سیخۆ مزەللی)دا گیرا، بە بڕیاری دادوەر راگیرا و لێكۆڵینەوەش لەگەڵیدا بەردەوامە.