Alternate Text

زۆرترین بینراو

Alternate Text

وەزارەتی پێشمەرگە: هه‌میشه‌ ئاماده‌ین‌ بۆ به‌رگری و پاراستنی سه‌لامه‌تی خه‌ڵك

کوردستان

پێش 2 هەفتە

Alternate Text

دوای ئەوەی شەوی رابردوو چەند مووشەکێک فڕۆکخانە و چەند گەڕەکەکێکی شاری هەولێری کرد بە ئامانج، وەزارەتی پێشمەرگە لەو بارەیەوە روونکردنەوەیەکی بڵاوکردەوە.

دەقی راگەیەندراوەکەی وەزارەتی پێشمەرگە:

راگه‌یێندراوێك له‌ وه‌زاره‌تی پێشمه‌رگه‌وه‌ 

به‌توندی ئیدانه‌ی هێرشی ترسنۆكانه‌ی تاریكپه‌رستان بۆ سه‌ر هه‌ولێری پایته‌ختی هه‌رێمی كوردستان ده‌كه‌ین، دووپاتیده‌كه‌ینه‌وه‌ هه‌رگیز ده‌ستی چه‌په‌ڵی ناحه‌زان و تیرۆریستان ناتوانن ئاسایش، ئارامی و ئاوه‌دانی هه‌رێمی كوردستان بشێوێنن و به‌سه‌ختی رووبه‌ڕویان ده‌بینه‌وه‌.

هاوڵاتیان و خه‌ڵكی ئازیزی كوردستان دڵنیاده‌كه‌ینه‌وه‌، كه‌ هێزی پێشمه‌رگه‌ی كوردستان هه‌میشه‌ ساز و ئاماده‌یه‌ بۆ به‌رگری و پاراستنی سه‌لامه‌تی خه‌ڵك و خاكی كوردستان.

ئێستا له‌هه‌موو كات زیاتر، پێویستیمان به‌یه‌ككڕیزی، یه‌كهه‌ڵوێستی و یه‌كده‌نگیی هه‌یه‌. به‌ ئیراده‌ی به‌رزی پۆڵاینی پێشمه‌رگایه‌تیمان تیرۆریستان تێكده‌شكێنین و، رێگه‌ ناده‌ین به‌هیچ شێوه‌یه‌ك ژیانی هاوڵاتیانمان بخرێته‌ مه‌ترسییه‌وه‌. 
دوپاتی ده‌كه‌ینه‌وه‌، هه‌ر هێرشێك بۆ سه‌ر هێزه‌كانی هاوپه‌یمانان، هێرشكردنه‌ بۆ سه‌ر پێشمه‌رگه‌ و خەڵکی کوردستان، ئێمه‌ له‌گه‌ڵ دۆستانمان له‌ هاوپه‌یمانی نێوده‌وڵه‌تی دژ به‌داعش، رێگایه‌كی دوور و ساڵانێكی درێژه‌، پێكه‌وه‌ له‌به‌ره‌ی به‌ره‌نگاری تیرۆر و تێكشكاندنی تیرۆریستانین له‌پێناو سه‌قامگیری ئاسایشی هه‌رێم و ناوچه‌كه‌. 
وێڕای سەرەخۆشیمان لەقوربانیەکەی ئەو کارەساتە، سه‌لامه‌تی و شیفای خێرا بۆ برینداران و ئارامی و ئاسایش بۆ هه‌رێمی كوردستان دەخوازین.

وه‌زاره‌تی پێشمه‌رگه‌
16ی شوباتی 2

Copyright 2019 BMC TV. All right reserved

Designed and Developed by AVESTA GROUP