بەیانی ئەمڕۆ ئارام باڵەتەیی، پەرلەمانتاری پارتی لە پەرلەمانی عێراق کۆچی دوایی کرد.
ئەمڕۆ چوارشەممە ١٧ی شوبات، میدیای فەرمی پارتی دیموکراتی کوردستان بڵاویکردووەتەوە:" ئارام باڵەتەیی، ئەندامی پەرلەمانی عێراق و وتەبێژی فراکسیۆنەکەی کۆچی دوایی کرد.
ئارام باڵەتەیی کۆتایی ساڵی رابردوو توشی ڤایرۆسی کۆرۆنا ببوو بەو هۆیەشەوە لەو کاتەوە لەژێر ئامێری هەناسەدانی دەستکرددابوو و تا بەیانی ئەمڕۆ کۆچی دوایی کرد.
دوو هەفتە لەمەوبەر ناجی باڵەتەیی باوکی ئەو پەرلەمانتارە کۆتایی بە ژیانی خۆی هێنا.
