لەئەنجامی دابەزینی ئاستی ئاوی دەریاچەی وان لە باکوری کوردستان، بەلەمێک پاش چەند ساڵێک لە نوقمبوونی دەرکەوتەوە.
مستەفا ئاککوش، مامۆستای زانکۆی یوزونجو یڵ-ی وان، بە ئاژانسی "ئەنادۆڵۆ"ی تورکی راگەیاند:"بەهۆی گۆڕانکاری لە کەشوهەواوە ئاستی ئاوی دەریاچەی وان دابەزیووەو و چەندین شتی ژێر ئاوەکە دەرکەوتوون، یەکێک لەوانەش بەلەمێکی نوقمبووە".
هاوکات، یوکسەل زۆرلو، بەڕێوەبەری پەروەردەی شارۆچکەی مورادیەی سەر بە پارێزگای وان بە مەبەستی بینینی ئەو دیمەنە سەردانی ناوچەکەی کرد و لەوبارەیەوە وتی:"کاتێک دووبارە ئاستی ئاوەکە بەرزدەبێتەوە هەلی ئەوەمان نابێت ئەم بەلەمە ببینین، پێشتر تەنها ئەو کەسانەی دەچوونە ژێر دەریاچەکەوە دەیانتوانی ئەم بەلەمە ببینن، بەڵام ئێستا هەموو هاوڵاتیان دەتوانن بیبینن".