بەڕێوەبەری کەشناسی سلێمانی رایدەگەیەنێت، سبەی بەراورد بە ئەمڕۆ رەشەباکە خێراییەکەی کەم دەبێتەوە.
ئاسۆ شێخ کەمال، بەڕێوەبەری کەشناسی سلێمانی بە BMC راگەیاند:" دەرئەنجامی جیاوازی پەستان، لە دوێنێوە خێرایی با چالاک بووە، رووەو باکوری خۆرهەڵات".
باسیلەوەشکرد:" گەرچی بەردەوام با لەناوچەکە هەیە، بەڵام پێشبینی دەکەین، بۆ سبەی خێرایی با کەم ببێتەوە و وەک ئەمڕۆ چالاک نەبێت".
هاوکات، بەڕێوەبەرایەتی گشتی کەشناسی و بومەلەرزەزانی هەرێم پێشبینییەکانی کەشوهەوای ئەمڕۆ و سبەی شارەکانی هەرێمی بڵاوکردەوە و بە پێی ئەو پێشبینییانە ئاسمانی زۆربەی ناوچەکانی هەرێم ساماڵ دەبێت.