Alternate Text

زۆرترین بینراو

Alternate Text

شوانێک لە فەیسبووک ریکلام بۆ چەند بێچووە سمۆرەیەک دەکات و پۆلیسی دارستان لەسەری دێتە دەنگ

کوردستان

پێش 3 هەفتە

Alternate Text

هاوڵاتییەکی گوندی سەرکەندی خەیلانی لە کاتی شوانیدا چەند بەچکە سمۆرەیەک راودەکات، لەو بارەیەوە بەڕێوەبەرایەتی پۆلیسی دارستان هاتە دەنگ و راگەیەندراوێکی بڵاوکردەوە.

ئەمڕۆ چوارشەممە ٢٤ی ئازاری ٢٠٢١، بەڕێوەبەرایەتی پۆلیسی دارستان و ژینگەی هەرێم رایگەیاند:" دوای ئاگاداربوونمان لەوەی کە یەکێک لە هاوڵاتیانی گوندی (سەرکەندی خەیلانی) بە ناوی (ا ن) لە کاتی لەوەڕاندنی مەڕوماڵاتەکانی لە دەشت و پاوانەکەی سنوwری گوندەکەی هەڵدەستێت بە تێکدانی لانەی سمۆریەک کە لە ناو دارێک بووە و لە ئەنجامدا دەتوانێت ژمارەیەک بێچووی سمۆرە بە زیندووی ڕاو بکات و بە مەبەستی فرۆشتنیان لە تۆڕی کۆمەلایەتی فەیسبووک ریکڵام بڵاوبکاتەوە".

ئەوەشهاتووە:" دوای ئاگادار بوونی فەرمانگەی ژینگەی هەولێر بەو کردارە نایاساییە هۆبەی ژینگە سروشتی فەرمانگەکەمان و تیمی چاودێری ناوچە پارێزراوەکان بە هاوبەشی تیمێک لە هێزەکانی پۆلیسی دارستان و ژینگەی شاری هەولێر سەردانی گوندی (سەرکەندی خەیلان)یان کرد و لە چالاکییەکی هاوبەش توانییان ئەوکەسە کە ڕێکڵام بۆ فرۆشتنی بێچووە سمورەکانی کردووە بدۆزنەوە".

ئاماژە بەوەشدراوە:" دوای ئەوەی دان بە هەڵەی خۆی دانا و هەروەها وەرگرتنی بەڵێننامە لەو کەسە کە ئێتر ڕاوی نایاسایی ناکات هەموو بێچووە سمورەکان لە سروشتی خۆی ئازاد بكاتەوە".

 

 

Copyright 2019 BMC TV. All right reserved

Designed and Developed by AVESTA GROUP