قائیمقامی چەمچەماڵ رایدەگەیەنێت، بکوژی دوو خوشکەکەی چەمچەماڵ دوای فشارێکی زۆر لە سنوری ناحیەی شوان خۆی رادەستی هێزەکانی پۆلیس کرد.
رەمک رەمەزان، قائیمقامی چەمچەماڵ بە BMC راگەیاند:" بکوژی ئەو دوو خوشکەی لە مانگی نۆی ساڵی رابردوو تەرمەکانیان دۆزرایەوە، دوای فشارێکی زۆر لە سنوور گوندی سورە دێ لە ناحیەی شوان دەستگیرکرا.
باسیلەوەشکرد:" باوکی کچەکان ماوەیەکی زۆرە لە سنوری هەولێر و کەرکوک و گوندەکانی چەمچەماڵ خۆی حەشارداوە، پێشتریش چوار برای لەسەر هەمان کەیس دەستگیرکرابوون تا دواجار خۆی رادەستی پۆلیس کرد".
جەختیلەوەشکردەوە:" قسەی سەرەتایی لێوەرگیراوە، ئاگاداری کوشتنی کچەکانیەتی و وتوویەتی" حەیای منیان بردووە و شەرەفی منیان شکاندووە"، لەکاتێکدا لە پشکنینی پزیشکی دادی دەرکەوتبوو هەردووکیان پاکیزەبوون".