حکومەتی هەرێمی کوردستان بڕیاریداوە بە تەرخانکردنی بڕی ٥٥٨ ملیۆن و ٨٣٥ هەزار و ٥٠٠ دینار بۆ مۆنۆمێنت و ئارامگەی ئەنفالکراوان.
بەگوێرەی نوسراوێک کە لە سەرۆکایەتی دیوانی ئەنجومەنی وەزیران دەرچووە و واژووی ئەمێد سەباح، سەرۆکی دیوانی لەسەرە و ئاڕاستەی وەزارەتی دارایی هەرێم کراوە، رەزامەندی داوە بە خەرجکردنی بڕی ٥٥٨ ملیۆن و ٨٣٥ هەزار و ٥٠٠ دینار بۆ چەند پڕۆژەیەکی گۆڕستان و مۆنۆمێنتی ئەنفالکراوان.
پڕۆژەکان بریتین لە درووستکردنی گۆڕستانێک بۆ ١٧١ ئەنفالکراو لە زێدی خۆیان، چاکردنەوەی گۆڕستان ئەفالکراوان کە روفاتی ٨٤٠ ئەنفالکراوی تێدایە، هەروەها نۆژەنکردنەوە و لێدانی بیری ئاو بۆ مۆنۆمێتی ئەنفالکراوان لە بانی مەقان لە چەمچەماڵ.